សេចក្តីប្រកាសព័ត៌មាន

  • ឧសភា ២៥, ២០១៧

ស្ថាន​អគ្គ​កុង​ស៊ុល​កម្ពុជា​ប្រ​ចាំ​ខេត្ត​សា​កែវ​ សម្រប​សម្រួល​ជួយ​ពល​រដ្ឋ​ខ្មែរ​១៦​នាក់​ដែល​ត្រូវ​ចាប់​ខ្លួន​

ស្ថានអគ្គកុងស៊ុលកម្ពុជាប្រចាំខេត្តសាកែវ ប្រទេសថៃ បានរាយការណ៍ជូនក្រសួងការបរទេស និង សហប្រតិបត្តិការអន្តរជាតិ ពីការសម្របសម្រួលបញ្ហាពាក់ព័ន្ធនឹងករណីពលរដ្ឋខ្មែរ១៦នាក់ ដែលត្រូវបាន​អាជ្ញាធរថៃ​ចាប់ខ្លួនពីបទឆ្លងដែនចូល​កាប់​ឈើ​​​គ្រញូង​ដោយ​ខុសច្បាប់ កាលពីថ្ងៃទី២២ ខែឧសភា ឆ្នាំ​២០១៧  ថា បន្ទាប់ពីទទួលបានព័ត៌មានពីការចាប់ខ្លួននេះ ស្ថានអគ្គកុងស៊ុល បានចាត់​មន្រ្តី​កុងស៊ុល​ជួប​ទំនាក់ទំនងជាមួយអាជ្ញាធរពាក់ព័ន្ធរបស់ថៃ​និងពលរដ្ឋខ្មែរទាំង១៦នៅ​ប៉ុស្តិ៍​នគរបាលប៉ាងស៊ីដា ហើយ​ទទួល​​បាន​ព័ត៌មាន​​​ដូច​តទៅ៖

នៅថ្ងៃទី​​២២ ខែឧសភា ឆ្នាំ២០១៧ វេលាម៉ោងប្រមាណ០៨:៣០នាទី កងកម្លាំង​អភិរក្ស​ព្រៃឈើ​សហការជាមួយអាជ្ញាធរមូលដ្ឋាន​ បានចុះល្បាតនៅតំបន់ឧទ្យានជាតិប៉ាងស៊ីដា ស្ថិតក្នុងភូមិបាក់ខាមីន ឃុំខូកពីខង ស្រុកមឿងសាកែវ ខេត្តសាកែវ  ប្រទះឃើញមនុស្សមួយក្រុមមានគ្នាប្រមាណ២១នាក់ កំពុង​ដើររក​កាប់ឈើ ហើយក៏បានឡោមព័ទ្ធឃាត់ខ្លួនពលរដ្ឋខ្មែរសរុបចំនួន១៦នាក់ ដែលមានឈ្មោះដូចខាង​ក្រោម ដោយរឹបអូសបានវត្ថុ​តាង​​មួយចំនួន ដូចជា រណាយន្ត១គ្រឿង កាំភ្លើង១ដើម ទូរស័ព្ទដៃ៩គ្រឿង និង​កាបូប២១៖

        ១. លោក ភិន ភឿង              អាយុ ៥៥ ឆ្នាំ               មកពីស្រុកសំឡូត ខេត្តបាត់ដំបង

        ២. លោក កង ឧត្តម             អាយុ ២៥ ឆ្នាំ               មកពីស្រុកសំឡូត ខេត្តបាត់ដំបង

        ៣. លោក ហីម ប៊ុនធឿន       អាយុ ២៥ ឆ្នាំ              មកពីស្រុកសំឡូត ខេត្តបាត់ដំបង

        ៤. លោក ចាន់ ភាព              អាយុ ២៥ ឆ្នាំ               មកពីស្រុកសំឡូត ខេត្តបាត់ដំបង

        ៥. លោក រ៉ម រស្មី                  អាយុ ២៤ ឆ្នាំ               មកពីស្រុកសំឡូត ខេត្តបាត់ដំបង

        ៦. លោក ស្តើង សេន           អាយុ ២២ ឆ្នាំ               មកពីស្រុកសំឡូត ខេត្តបាត់ដំបង

        ៧. លោក យី ចន្រ្ទា               អាយុ ២២ ឆ្នាំ               មកពីស្រុកសំឡូត ខេត្តបាត់ដំបង

        ៨. លោក បៀវ ធឿន             អាយុ ២៨ ឆ្នាំ               មកពីស្រុកសំឡូត ខេត្តបាត់ដំបង

        ៩. លោក ញ៉ៅ សាន             អាយុ ២៦ ឆ្នាំ               មកពីស្រុកសំឡូត ខេត្តបាត់ដំបង

        ១០. លោក វើយ វឿន            អាយុ ២១ ឆ្នាំ              មកពីស្រុកសំឡូត ខេត្តបាត់ដំបង

        ១១. លោក អឿន រ៉ើន           អាយុ ២៧ ឆ្នាំ               មកពីស្រុកសំឡូត ខេត្តបាត់ដំបង

        ១២. លោក ជក់ ជន             អាយុ ៤០ ឆ្នាំ               មកពីស្រុករតនមណ្ឌល ខេត្តបាត់ដំបង

        ១៣. លោក ថាន ភារ:           អាយុ ២៧ ឆ្នាំ               មកពីស្រុករតនមណ្ឌល ខេត្តបាត់ដំបង

        ១៤. លោក ជ្រៃ បូរ៉ាន           អាយុ ១៦ ឆ្នាំ               មកពីស្រុករតនមណ្ឌល ខេត្តបាត់ដំបង

        ១៥. លោក សឺន រដ្ឋា            អាយុ ៣១ ឆ្នាំ               មកពីស្រុករតនមណ្ឌល ខេត្តបាត់ដំបង

        ១៦. លោក សឿន សារី         អាយុ ៣១ ឆ្នាំ               មកពីស្រុករតនមណ្ឌល ខេត្តបាត់ដំបង

ពលរដ្ឋខ្មែរ​ទាំង​១៦នាក់ ត្រូវបានបញ្ជូនទៅប៉ុស្តិ៍នគរបាលប៉ាងស៊ីដានៃខេត្តសាកែវ ដើម្បី​សាក​សួរ​​និងកសាងសំណុំរឿង រួចបញ្ជូន​បន្តឲ្យទាហានឈុតខ្មៅថៃសាកសួរបន្ថែមទៀតពាក់ព័ន្ធ​នឹងការ​ប្រើប្រាស់​ ​អាវុធ មុននឹង​បញ្ជូន​ទៅ​តុលាការ​តាមនីតិវិធី។

នៅល្ងាចថ្ងៃទី២៣ ខែឧសភា ឆ្នាំ២០១៧ សមត្ថកិច្ចថៃបានបញ្ជូនពលរដ្ឋខ្មែរ​ខាងលើទៅឃុំខ្លួន​បណ្តោះអាសន្ននៅពន្ធនាគារខេត្តសាកែវ។ តាមការជូនព័ត៌មានក្រៅផ្លូវការពីអាជ្ញាធរថៃ សំណុំរឿងនេះ អាច​មានស្ថានទម្ងន់ទោស ដោយសារពាក់ព័ន្ធនឹងការប្រើប្រាស់អាវុធខុសច្បាប់។

ស្ថានអគ្គកុងស៊ុល កំពុងសហការជាមួយអាជ្ញាធរពាក់ព័ន្ធរបស់ថៃ​ ព្រមទាំងរកមេធាវីថៃ​ស្ម័គ្រចិត្ត​​ឲ្យជួយ​ការពារ​ក្តី ពេលឡើងតុលាការនាពេលខាងមុខ។

                                                           ភ្នំពេញ, ថ្ងៃទី ​២៤ ខែ ឧសភា ឆ្នាំ ២០១៧


សេចក្តីប្រកាសព័ត៌មាន

  • ឧសភា ២២, ២០១៧

ស្ថាន​អគ្គ​កុង​ស៊ុល​កម្ពុជា​ប្រ​ចាំ​ខេត្ត​សា​កែវ ​​អន្តរា​គម​ឲ្យ​ដោះ​លែង​​ពល​រដ្ឋ​ខ្មែរ​២​​នាក់​

 ស្ថានអគ្គកុងស៊ុលកម្ពុជាប្រចាំខេត្តសាកែវ ប្រទេសថៃ កំពុងអន្តរាគមតាមមធ្យោបាយផ្លូវច្បាប់ ដើម្បីជួយឲ្យមានការដោះលែងពលរដ្ឋខ្មែរចំនួន២នាក់ (ជាបងប្អូនបង្កើតនឹងគ្នា) ដែលត្រូវបានអាជ្ញាធរថៃ​ចាប់ឃុំខ្លួន​​នៅពន្ធនាគារ​ខេត្តសាកែវ ពីបទប្រើប្រាស់ឯកសារក្លែងបន្លំចូលទឹកដីថៃដោយខុសច្បាប់។ កិច្ច​អន្តរាគមន៍នេះធ្វើឡើង ឆ្លើយតបតាមពាក្យបណ្តឹងរបស់ឪពុកម្តាយ​ពលរដ្ឋ​ទាំង​ពីរនាក់ កាលពីថ្ងៃទី១៧ ខែ​ ឧសភា ឆ្នាំ២០១៧។

នៅថ្ងៃទី១៨ ខែឧសភា មន្រ្តីស្ថានអគ្គកុងស៊ុលបានទៅជួបផ្ទាល់ជាមួយបុរសរងគ្រោះ ដែលមាន​ឈ្មោះ យ៉ិន ម៉ាន់  អាយុ២២ឆ្នាំ និងឈ្មោះ យ៉ិន អេន អាយុ១៨ឆ្នាំ មកពីស្រុកថ្មគោល ខេត្តបាត់ដំបង។ អ្នកទាំងពីរ បានចូលទឹកដីថៃតាមរយៈមេខ្យល់ម្នាក់ជាជនជាតិខ្មែរ ដោយប្រើប្រាស់ប័ណ្ណចេញ-ចូល អន្តោប្រវេសន៍​ថៃ ( ចូលព្រឹក ចេញលា្ងច សម្រាប់ពលរដ្ឋខ្មែរចូលផ្សាររោងក្លឿ) ដែលជាឈ្មោះអ្នកដទៃ ហើយត្រូវបានប៉ូលីសអន្តោប្រវេសន៍ថៃឃាត់ខ្លួន កាលពីថ្ងៃទី២៥ ខែមេសា ឆ្នាំ២០១៧ និងបញ្ជូនបន្តទៅ ឃុំខ្លួនបណ្តោះអាសន្ននៅពន្ធនាគារខេត្តសាកែវ នៅថ្ងៃទី២៧ ខែមេសា។

ស្ថានអគ្គកុងស៊ុល បានពិគ្រោះយោបល់ជាមួយមេធាវីជនជាតិថៃ និងក្រុមគ្រួសារជនរងគ្រោះ ដោយសម្រេចតម្កល់ប្រាក់ធានាខ្លួនអ្នកទាំងពីរឲ្យស្ថិតនៅក្រៅឃុំ រង់ចាំតុលាការកាត់ក្តីនាពេលខាងមុខ។

ស្ថានអគ្គកុងស៊ុល កំពុងបន្តតាមដានលើករណីនេះ ហើយនឹងផ្តល់ព័ត៌មានបន្ថែម នៅពេលក្រោយ។

                                                               ភ្នំពេញ, ថ្ងៃទី​១៩ ខែ ឧសភា ឆ្នាំ ២០១៧


សេចក្តីប្រកាសព័ត៌មាន

  • ឧសភា ២២, ២០១៧

ស្ថាន​អគ្គ​កុង​ស៊ុល​កម្ពុជាប្រ​ចាំ​ខេ​ត្តសា​កែវ​ ជួយ​សម្រ​ប​ស​ម្រួល​ក​រ​ណី​ពល​រដ្ឋ​ខ្មែរ​ត្រូវ​ឃាត់​ខ្លួន​ ១០​នាក់​

ស្ថានអគ្គកុងស៊ុលកម្ពុជាប្រចាំខេត្តសាកែវ ប្រទេសថៃ បានរាយការណ៍ជូនក្រសួងការបរទេស និងសហប្រតិបត្តិការអន្តរជាតិ ពីការសម្របសម្រួលបញ្ហាពាក់ព័ន្ធនឹងករណីពលករខ្មែរ១០នាក់ ដែលត្រូវឃាត់ខ្លួននៅ ស្រុកមឿងសាកែវ ខេត្តសាកែវ កាលពីថ្ងៃទី ១៤ ឧសភា ២០១៧ ពីបទឆ្លងដែនចូលកាប់ឈើគ្រញូងដោយខុសច្បាប់ ថា បន្ទាប់ពីបានទទួលបានព័ត៌មាន ថ្ងៃទី ១៤ ខែឧសភា ស្តីពីការឃាត់ខ្លួនពលរដ្ឋខ្មែរ ១០នាក់នេះ ស្ថានអគ្គកុងស៊ុលបានទំនាក់ទំនង ហើយទទួលបានការផ្តល់ព័ត៌មានពីអាជ្ញាធរស្រុកមឿងសាកែវ ដូចតទៅ៖

នៅថ្ងៃទី១៤ ឧសភា ២០១៧ ម៉ោងប្រមាណ ១២:០០ នាទី អាជ្ញាធរមូលដ្ឋានថៃសហការជាមួយកងកម្លាំងអភិរក្សព្រៃឈើនៃឧទ្យានជាតិប៉ាងស៊ីដា បានចុះល្បាតក្នុងតំបន់ឧទ្យានជាតិប៉ាងស៊ីដា ស្ថិតក្នុងភូមិណយ ឃុំថាយែក ស្រុកមឿងសាកែវ ខេត្តសាកែវ បានប្រទះឃើញពលរដ្ឋខ្មែរប្រមាណ ១៥នាក់ កំពុងដើររកកាប់ឈើគ្រញូងនៅក្នុងតំបន់ឧទ្យានជាតិប៉ាងស៊ីដា ហើយឃាត់ខ្លួនបានចំនួន ១០នាក់ មានឈ្មោះ​ដូចខាងក្រោម ព្រមទាំងវត្ថុតាងជាប់ខ្លួនមាន រណាយន្ត ស្បៀងអាហារ សម្ភារ: និងសំលៀកបំពាក់មួយចំនួន ៖

        ១.    ពេជ្រ ម៉ី               ភេទប្រុស     អាយុ ២៦ ឆ្នាំ     ខេត្តបន្ទាយមានជ័យ

        ២.   សល់ ភា              ភេទប្រុស     អាយុ ៣៦ ឆ្នាំ     ខេត្តបន្ទាយមានជ័យ

        ៣.   ឈាវ ធី               ភេទប្រុស     អាយុ ២៣ ឆ្នាំ     ខេត្តបន្ទាយមានជ័យ

        ៤.    ទី អៀប               ភេទប្រុស     អាយុ ២៣ ឆ្នាំ     ខេត្តបន្ទាយមានជ័យ

        ៥.    ថន ធឿន            ភេទប្រុស     អាយុ ៣០ ឆ្នាំ     ខេត្តបន្ទាយមានជ័យ

        ៦.    វីន សល់              ភេទប្រុស     អាយុ ២៧ ឆ្នាំ     ខេត្តបន្ទាយមានជ័យ

        ៧.   នេត្រ ផល្លា          ភេទប្រុស     អាយុ ៣០ ឆ្នាំ     ខេត្តបន្ទាយមានជ័យ

        ៨.    គឹម មឿន            ភេទប្រុស     អាយុ ២៥ ឆ្នាំ     ខេត្តបន្ទាយមានជ័យ

        ៩.    ថុល ជាតិ            ភេទប្រុស     អាយុ ២៥ ឆ្នាំ     ខេត្តបន្ទាយមានជ័យ

        ១០. វ៉េត អ៊ុន               ភេទប្រុស     អាយុ ៣០ ឆ្នាំ     ខេត្តបន្ទាយមានជ័យ

បច្ចុប្បន្ន ពលរដ្ឋខ្មែរទាំង ១០ នាក់ ខាងលើ កំពុងត្រូវបានឃុំខ្លួនបណ្តោះអាសន្ននៅពន្ឋនាគារខេត្តសាកែវ រង់ចាំកសាងសំណុំរឿងបញ្ជូនទៅតុលាការ។ ស្ថានអគ្គកុងស៊ុល កំពុងបញ្ជូនមន្ត្រីកុងស៊ុលទៅជួបសាកសួរសុខទុក្ខពលរដ្ឋខ្មែរទាំង ១០នាក់នេះ ហើយនិងកំពុងសម្របសម្រួលជួយជំរុញដំណើរការកាត់​ក្តីឲ្យបានឆាប់ និងត្រៀមផ្តល់មេធាវីជួយការពារក្តីជូនពួកគាត់។

       ភ្នំពេញ ថ្ងៃទី ១៨ ខែឧសភា ឆ្នាំ២០១៧


សេចក្តីប្រកាសព័ត៌មាន

  • ឧសភា ២២, ២០១៧

ស្ថាន​​អគ្គកុង​ស៊ុល​​កម្ពុជា​ប្រ​ចាំ​​ខេត្ត​សា​​កែវ​ ជួយ​សម្រប​សម្រួល​ក​រ​ណី​ពល​រដ្ឋ​ខ្មែរ​ត្រូវ​ឃាត់​ខ្លួន​ ០៩​​ នាក់ ​

ស្ថានអគ្គកុងស៊ុលកម្ពុជាប្រចាំខេត្តសាកែវ ប្រទេសថៃ បានរាយការណ៍ជូនក្រសួងការបរទេស និងសហប្រតិបត្តិការអន្តរជាតិ ពីការសម្របសម្រួលបញ្ហាពាក់ព័ន្ធនឹងករណីពលរដ្ឋខ្មែរ០៩នាក់ ដែលត្រូវបានអាជ្ញាធរថៃឃាត់ខ្លួន នៅស្រុកឃុនហាន ខេត្តស៊ីសាកេត នៅថ្ងៃទី ១៣​ ឧសភា ២០១៧ ពីបទឆ្លងដែនចូលកាប់ឈើគ្រញូងដោយខុសច្បាប់ ថា បន្ទាប់ពីបានឃើញព័ត៌មានក្នុងគេហទំព័រ Thai News ថ្ងៃទី ១៤ ខែឧសភា ស្តីពីការឃាត់ខ្លួនពលរដ្ឋខ្មែរ ០៩​នាក់នេះ ស្ថានអគ្គកុងស៊ុលបានទំនាក់ទំនង ហើយទទួល​បានការផ្តល់ព័ត៌មានពីអាជ្ញាធរស្រុកឃុនហាន ដូចតទៅ៖

នៅថ្ងៃទី១៣ ឧសភា ២០១៧ ម៉ោងប្រមាណ ២០:០០នាទី អាជ្ញាធរស្រុកឃុនហាន បានចុះល្បាត​ក្នុងតំបន់អភិរក្សព្រៃឈើនៅចំណុច WA២៦២៩៣០ ស្ថិតក្នុងឃុំកាន់ត្រំ ស្រុកឃុនហាន ខេត្តស៊ីសាកេត បានប្រទះឃើញពលរដ្ឋខ្មែរមួយក្រុមប្រមាណជាង១០នាក់ កំពុងកាប់ និងអូសឈើ ហើយឃាត់ខ្លួនបានចំនួន ៣​នាក់ មានឈ្មោះដូចខាងក្រោម រួមទាំងវត្ថុតាងមាន ឈើគ្រញូងចំនួន ៩ដុំ និងថ្នាំញៀន​ ៖

១. ខន តយ ភេទប្រុស    អាយុ ៣៧ឆ្នាំ    នៅភូមិរំចេក ស្រុកអន្លង់វែង ខេត្តឧត្តរមានជ័យ ​

២. តង សឿ   ភេទប្រុស    អាយុ ៤២ឆ្នាំ      នៅភូមិអូរស្វាយ ស្រុកអូរស្វាយ ខេត្តឧត្តរមានជ័យ

៣. ថា ទុយ   ភេទប្រុស    អាយុ ៤០ឆ្នាំ     នៅភូមិទង ស្រុកអន្លង់វែង ខេត្តឧត្តរមានជ័យ

នៅម៉ោងប្រមាណ ២១:០០នាទី ថ្ងៃដដែល​ នៅចំណុច WA២៧៤៩៤០ ស្ថិតក្នុងឃុំកាន់ត្រំ ដដែល​នេះ អាជ្ញាធរស្រុកឃុនហាន ឃាត់ខ្លួនបានចំនួន៦នាក់ផ្សេងទៀត (ស្រី៣នាក់) មានឈ្មោះដូចខាងក្រោម ព្រមទាំងវត្ថុតាង ឈើគ្រញូងចំនួន ១៤ ដុំ និងសម្ភារ:មួយចំនួន ៖

៤.  វី ព្រីង       ភេទប្រុស   អាយុ ៤១ឆ្នាំ    នៅភូមិព្រៃស្វាយ ស្រុកព្រៃស្វាយ ខេត្តកំពង់ធំ

៥. បុក ម៉ម     ភេទស្រី     អាយុ ៣៥ឆ្នាំ   នៅភូមិអូរស្វាយ ស្រុកអូរស្វាយ ខេត្តឧត្តរមានជ័យ

៦. ប្រាត ព្រីង ភេទស្រី     អាយុ ២៥ឆ្នាំ    នៅភូមិអូរស្វាយ ស្រុកអូរស្វាយ ខេត្តឧត្តរមានជ័យ

៧. ខៀវ ម៉ម    ភេទស្រី     អាយុ ៥៣ឆ្នាំ   នៅភូមិអូរស្វាយ ស្រុកអូរស្វាយ ខេត្តឧត្តរមានជ័យ

៨. ដូន សារ៉េត ភេទប្រុស   អាយុ ៥២ឆ្នាំ    នៅភូមិអូរស្វាយ ស្រុកអូរស្វាយ ខេត្តឧត្តរមានជ័យ

៩. ចេ ហម     ភេទប្រុស   អាយុ ៣៨ឆ្នាំ   នៅភូមិតាខ្យា ស្រុកភ្នំស្វាយ ខេត្តកំពង់ស្ពឺ

បច្ចុប្បន្ន ពលរដ្ឋខ្មែរទាំង ០៩ នាក់ ខាងលើ កំពុងត្រូវបានឃុំខ្លួនបណ្តោះអាសន្ននៅពន្ធនាគារខេត្តស៊ីសាកេត រង់ចាំកសាងសំណុំរឿងបញ្ជូនទៅតុលាការ។ ស្ថានអគ្គកុងស៊ុល កំពុងបញ្ជូនមន្ត្រីកុងស៊ុលទៅជួបសាកសួរសុខទុក្ខពលរដ្ឋខ្មែរទាំង ០៩នាក់នេះ ហើយនិងកំពុងសម្របសម្រួលជួយជំរុញដំណើរការកាត់ក្តីឲ្យបានឆាប់ និងត្រៀមផ្តល់មេធាវីជួយការពារក្តីជូនពួកគាត់។

                             ភ្នំពេញ ថ្ងៃទី ១៨ ខែឧសភា ឆ្នាំ២០១៧


សេចក្តីប្រកាសព័ត៌មាន

  • ឧសភា ១៨, ២០១៧

ស្ថាន​អគ្គ​កុង​ស៊ុល​កម្ពុជា​ប្រចាំ​ខេត្ត​សាកែវ​ ប្រទេសថៃ ​បានចុះ​ជួប​និង​សាក​សួរ​ពល​រដ្ឋខ្មែរ​ចំនួន​១៥នាក់

នៅថ្ងែទី១៨ ខែឧសភា ឆ្នាំ២០១៦ បន្ទាប់ពីបានទទួលព័ត៌មានថា មានពលរដ្ឋខ្មែរចំនួន ១៥នាក់ ត្រូវបានអាជ្ញាធរថៃចាប់ឃាត់ខ្លួន នៅថ្ងៃទី១៤ ខែឧសភា ឆ្នាំ២០១៦ ពីបទឆ្លងដែនខុសច្បាប់ទៅកាប់ឈើ ក្រញូង ក្នុងតំបន់ឧទ្យានជាតិថាប់ឡាន ស្ថិតក្នុងភូមិ វាំងថាលុកៅ ឃុំកេងឌិនសរ ស្រុកណាឌី ខេត្តប្រាជីនបុរី ស្ថានអគ្គកុងស៊ុលកម្ពុជា ប្រចាំខេត្តសាកែវ ប្រទេសថៃ បានចុះជួបនិង សាកសួរពលរដ្ឋខ្មែរទាំងនោះ ហើយបាន ទទួលព័ត៌មានថា៖

– ពួកគាត់បានចូលប្រទេសថៃតាមរយៈមេខ្យល់ កាលពីថ្ងៃទី១៤ ខែឧសភា ឆ្នាំ២០១៦ ប៉ុន្តែត្រូវអាជ្ញាធរថៃ ចាប់ខ្លួននៅពេល ធ្វើដំណើរ ទៅកាន់ទីតាំង ។

– បច្ចុប្បន្នអាជ្ញាធរថៃ កំពុងកសាងសំណុំរឿងបញ្ជូនទៅតុលាការ ភ្ជាប់ជាមួយវត្ថុដែលរឹបអូស បានមាន៖ រថយន្តម៉ាក ISUZU 0១ គ្រឿង – រណាយន្ត០២គ្រឿង-ច្រវ៉ាក់ ០៤ និង ផ្លែរណាយន្ត០១។

ស្ថានអគ្គកុងស៊ុលកម្ពុជា នឹងរកមេធាវីជួយការពារក្តីដល់ពលរដ្ឋទាំង១៥នាក់នោះ នៅពេលឡើង តុលាការ។

ក្រសួងការបរទេស និងសហប្រតិបត្តិការអន្តរជាតិ សូមអំពាវនាវជាថ្មីម្តងទៀត ចំពោះបងប្អូនប្រជា- ពលរដ្ឋខ្មែរដែលធ្វើចំណាក ស្រុកស្វែងរកការងារធ្វើនៅក្រៅប្រទេស មេត្តាកុំជឿតាមពាក្យឆបោកពីសំណាក់ ពួកមេខ្យល់ទុច្ចរិត អោយបងប្អូនឆ្លងដែនខុសច្បាប់ ទៅកាប់ឈើនៅប្រទេសគេដោយសន្យាអោយប្រាក់ច្រើន ឬធានាសុវត្ថិភាពដោយប្រការផ្សេងៗ។ ទាំងនោះសុទ្ធតែជារឿង បោកប្រាស់ ដែលអាច បង្កអោយមានគ្រោះថ្នាក់ ដល់ខ្លួនឯង និងដល់ក្រុមគ្រួសារ ខាតបង់ពេលវេលា និងថវិកាផ្ទាល់ខ្លួនផងដែរ។

ភ្នំពេញ ថ្ងៃទី១៩ ខែឧសភា ឆ្នាំ២០១៦


ព័ត៌មាន

  • ឧសភា ១៨, ២០១៧

ទីបំផុតបងប្អូនពលរដ្ឋខ្មែរដែលត្រូវបានស្ថានអគ្គកុងស៊ុលសម្របសម្រួលរហូតអាជ្ញាធរថៃដោះលែងទាំង ១០ នាក់ បានមកដល់មាតុភូមិវិញហើយ

ទីបំផុតបងប្អូនពលរដ្ឋខ្មែរដែលត្រូវបានស្ថានអគ្គកុងស៊ុលសម្របសម្រួលរហូតអាជ្ញាធរថៃដោះលែងទាំង ១០ នាក់ បានមកដល់មាតុភូមិវិញហើយ